冬天打邊爐，夏天都要打邊爐，圍住個爐烚下烚下吹水聚下，真係好正架，今次同朋友來呢間新開嘅新南苑灣仔分店試下啦
呢到除左火鍋仲有雞煲，我本身對雞煲火鍋好反感。因以前讀中學大學時食過幾次雞煲火鍋,但每次都覺得麻麻,所以之後都無再食雞煲火鍋。今次呢到嘅海鮮火鍋放題，三位以上仲可免費享用雞煲，一於再試試。
去到發現店內裝潢幾特別,牆上噴有大排檔為題嘅塗鴉畫
吊燈仲係玻璃箱同木箱，好有藝術氣息。而每間房以學校班房名為名，例校長室，實驗室，各有唔同特色嘅塗鴉畫，打卡一流。
除左雞煲火鍋外,店仲有私房菜。
一開始就黎了避風塘蟹,蟹超級鮮甜,非常開胃,咖哩唔太辣,連我呢d唔太食辣既人都食到,仲有麵包點咖哩。
之後就上招牌鬼馬麻辣雞煲，首先煮幾分鐘，店員好細心每2分鐘就幫我地拌一拌，拌二次就食得，最後煮好加入油炸鬼，唔怪之得叫鬼馬麻辣雞煲啦，份量好足，一食入口香味就湧入口,雞很香且入味，而油炸鬼掛上雞煲汁，好惹味*^o^*
第一次食咁入味既雞煲!之後先發現中學大學時代食既雞煲都太HEA,而加先知雞煲原本可以咁好味!全人類食完都會對雞煲改觀!
然後就係到主角-火鍋登場啦，呢度有五款湯底任選，今次我地揀左新鮮蟹花甲湯底，呢到好特別每鍋仲有隻以南瓜蓉、甘荀蓉所造嘅冰公仔，要⚠️注意冰公仔會係加湯後好快就消失，影相就要快啦。
剛好隔離台係好多人,所以借左幾款冰公仔黎影相~真係好得意好細緻呢^ω^
講返個湯底，除了有南瓜、甘荀的味道，本身仲有大大隻蟹、花甲，蕃茄和粟米等的甜味，成個湯好鮮甜。
生猛海鮮拼盤
賣相吸引，包括有鮑魚、蝦、貴妃蚌、龍躉片、鯇魚片同青口，會因時令而更改，所以可能次次來都有d唔同架。蝦，貴妃蚌、龍躉片、鯇魚片都好鮮甜爽口。而鮑魚就因為可能我地烚得太耐，搞到有d韌
頂級任食火鍋配料
三款手打丸，牛肉、豬肉、墨魚各有特色，手打果然係好食d，好彈牙好鮮味。
本地手切牛頸脊
第一次食牛頸脊，估唔到肉味咁濃仲唔韌添，平時d肥牛真係冇得比，食過返唔到轉頭，之後打邊爐我要改食牛頸脊先得
呢到d野飲系任飲,仲有好多款飲品選擇!
有可樂 ，七喜 ，荔枝紅茶 ，蘆薈芒果， 烏龍茶 ，忌廉鮮奶 ，龍井茶 ，冬瓜茶，估唔到仲有大大支成公升嘅椰子水，好正
總括而言，以200幾蚊一位食到咁高質又豐盛嘅火鍋同雞煲，認真不錯，而且裝修又可以呃下like，學生朋友聯誼、公司同事放工食飯都非常適合呀!
❤️❤️❤️謝謝大家觀看❤️❤️❤️
看更多我生活點滴和分享，可like 同follow我instagram同Facebook page
IG:
FB page:
Contact me:
Email:carolcaroljai@gmail.com
歡迎邀稿❤️合作試用❤️出席活動
My Blog
Blogsopt:https://caroljai.blogspot.com/
She blog:http://blog.she.com/caroljai26
