尖沙咀厚福街一向出名多野食，今次同朋友來到呢間樓上cafe叫草民，係一間有空內草地的cafe，一於同朋友一嘗鬧市中偽草地上野餐
開放式廚房
一入到去就被左邊嘅木屋仔同草地吸引住，我地平日下午茶時間去，人不多，但都有幾枱客，但幸運地草地果邊沒人坐，可能係大家唔想除鞋啦，然而呢間店嘅一大特色就系個偽草地，所以我哋當然要去試下坐草地嗰邊啦
雲呢拿雜莓梳打（$44）
首先叫左杯雲呢拿雜莓梳打，顏色鮮豔入面仲有粒粒雜莓，上面仲有一塊葉做裝飾，好夏天嘅感覺，不過味道稍甜和飲不到雲呢拿味，飲之前記得要攪勻，味道其實也不錯，值得一贊他是們用上鋼飲管，很環保很型呢
日本柚子拿破崙（$58）
接住來竟是甜品先，忘了叫他後上呢，不過呢個拿破崙賣相一流好精美，一上枱就謀殺了我不少手機memory，小小一件，拿破崙放上紅莓jelly，藍莓，杏仁片同cream，仲有金箔作裝飾，增添貴氣，拿破崙皮沒我平時算鬆脆，是有點硬的脆呢，不過入面就夾著柚子口味吉士醬，柚子味好出，感覺特別
經典卡邦尼意粉（$68）
呢個卡邦尼意粉味道真係好經典同坊間所食到的味道差不多，但勝左配料好多，茹好爽口，每條意粉都有好多忌廉汁，不錯
熱情果芝士蛋糕($52）
食完意粉之後又食甜品啦，呢個熱情果芝士蛋糕有四小件，上面仲用焦糖燒過，上面脆卜卜內面軟淋淋，旁邊仲有熱情果jelly，同埋意想不到仲有朱古力味爆炸糖，好特別呢
秘製雞中翼 （$42 ）
最後再來一客小食，秘製雞中翼一份有四隻，上枱時熱辣辣，要小心熱呢，好香口亦都好juicy，但味道上沒有什麼大驚喜呢，味道同一般炸雞翼差不多，如果入味d就好啦。
總括而言，我覺得呢度既甜品比主食優勝，每個甜品都好精美和有心思，而且入面裝修好文青好舒適。
隻吉祥物草民公仔好可愛呢
店內有不少佢嘅裝飾
連掛鐘都係佢呢
不過店內座位不多，而草地位更只有三個，如果星期六日或晚上來walk-in未必有位呢，大家來之前最好都係book定位。
❤️❤️❤️謝謝大家觀看❤️❤️❤️
看更多我生活點滴和分享，可like 同follow我instagram同Facebook page
IG:
FB page:
Contact me:
Email:carolcaroljai@gmail.com
歡迎邀稿❤️合作試用❤️出席活動
沒有留言:
發佈留言