我媽最愛吃海鮮，所以今次就同佢來太子這間小漁港試下呢道嘅蒸氣海鮮鍋
當天我地9:00去到，估唔到店內仲差不多坐滿食客，幸好我地有預早BOOK定位，被安排坐到寬闊的卡位，而店內裝修都充滿有漁港特色,掛上舊香港漁港的掛畫，亦有幾個精緻的帆船模型，別具香港漁港風味☺️
今次我地叫左是日廚師精選海鮮蒸鍋套餐 - 呢個set日日唔同，係廚師精選出當天最靚嘅食材，而今次呢set就有2個冷盤和四層蒸架
首先第一道就是兩大隻潮式凍花蟹，蟹味十足，好鮮甜，仲好多蟹羔，啖啖肉，我同阿媽慢慢食，慢慢拆肉每人食一隻都食左半個鐘
再來就是法國生蠔
平日我很怕食生蠔，怕佢唔新鮮又怕佢腥，但我阿媽試過後話好新鮮好好味，因此我都俾面佢試下，就咁加左d檸檬汁，一試果然好有鮮味 ，好新鮮嘅感覺，令我終於明點解d人咁鐘意食生蠔
食完冷盤就來食今日嘅主角-蒸氣海鮮鍋
呢到嘅蒸氣鍋系等我地食完一層逐層咁蒸，咁樣就唔會食唔切，令d海鮮蒸得太老啦！
第1層：貝殼拼盤（四款）
四款貝殼叫咩名我不太記得，只係記得佢地好鮮甜，只是簡單蒸了三/四分鐘，我想食佢地嘅原汁原味，所以連豉油都冇落，果然不需任何調味料，新鮮就係最滋味！
第2層:蒜蓉蒸大花蝦，紫蘚翡翠鮑，蒜蓉粉絲蒸元貝
呢一層擺到好似個小丑樣咁，好搞笑，而鮑魚未蒸時，我地仲見到佢郁，夠哂新鮮 ,蒸熟後好爽口，好彈牙，我阿媽仲話係佢食過最新鮮最好味嘅鮑魚，而元貝用蒜蓉粉絲蒸，粉絲吸收哂元貝嘅精華，好入味，而蒜蓉蒸大花蝦就夠晒大隻，蝦同蒜蓉果然係perfect match，正呀
第3層:蟲草花蒸雞烏冬
初時蒸好時看，d烏冬貌似好淋，但一試好有驚喜，估唔到d烏冬好彈牙，又好入味，而蟲草花同雞既份量都不少，雞都好滑好新鮮
第4層:龍躉糯米手卷，韮菜餃拼白菜餃，蝦乾蒸勝瓜
最後一層，韮菜餃同白菜餃味道不過不失，但就好痴底，有點扣分呢，不過同層嘅龍躉糯米手卷就 挽回不少分數，龍躉好鮮味，糯米飯好多料，而且又唔會太黏，是我喜歡的口感，仲有蝦乾蒸勝瓜，勝瓜吸收哂蝦乾嘅鮮味，味道不錯
最後店員仲請我地食個綠茶團子，小小的一粒用仿葉子包住，很可愛呢，而且是我愛的綠茶味，煙煙韌韌，好好食，完滿結束這一餐
❤️❤️❤️謝謝大家觀看❤️❤️❤️
看更多我生活點滴和分享，可like 同follow我instagram同Facebook page
IG:
FB page:
Contact me:
Email:carolcaroljai@gmail.com
歡迎邀稿❤️合作試用❤️出席活動
My Blog
Blogsopt:https://caroljai.blogspot.com/
She blog:http://blog.she.com/caroljai26
沒有留言:
發佈留言