之前和朋友去左銅鑼灣的Siam 28食泰北菜，餐廳地點十分就腳，
位於澳門逸園中心28樓，其實就係sogo旁，係銅鑼灣D2出口行一分鐘就到！
荔枝冰
當天天氣十分熱，當然第一時間叫返杯野飲消消暑，
我選了荔枝冰，飲落好重荔枝味，上面仲有一串荔枝做裝飾，清新又消暑！
上菜之前，餐廳先上五款自家製的特色醬汁，並向我們詳細介紹，每款醬汁各有特式，
左邊3款酸酸辣辣，而右邊2款紅，青辣椒汁就較辣，
我就覺得青辣椒醬汁最辣，但很香很特別，辣得過癮！
我就覺得青辣椒醬汁最辣，但很香很特別，辣得過癮！
炸通菜
平時食炒通菜就食得多，炸通菜就第一次食，通菜炸得香脆，
好似薯條咁，每一條可以點唔同醬汁試下，有不同風味，係一道好香口特別的小食！
香辣燒鴨鬆沙律
我朋友之前來過，説最愛這道沙律，餡料是炒得香辣的鴨肉鬆，以生菜包住食，
再加上醬汁，清新又惹味，我也很喜歡！朋友果然冇推介錯，值得一試！
炸女婿蛋
呢道菜個名好得意，好似係老婆餅d friend，
其實都係有段故，原來係泰國傳統習中，
當個女仔帶男朋友見家長, 個女阿媽對個男仔滿意，覺得可以將個女嫁俾佢嘅，就會整呢道菜俾佢食！
炸女婿蛋其實係炸鵪鶉蛋加豬肉再淋上酸甜醬汁，酸酸甜甜，好開胃！
泰北牛腩湯
呢個湯個睇落似係普通牛腩湯，飲完第一啖都唔係好辣，
但個後勁都幾強勁，d辣味慢慢湧出來，而湯中牛腩亦炆得好腍，酸酸辣辣的，啱哂食得好辣的朋友！
粉絲大頭蝦煲
呢個粉絲大頭蝦煲好大煲，份量好足，面頭的大頭蝦煲亦好隻，仲有幾隻收埋係粉絲裏架，
大頭蝦厚肉又爽彈，而當中的粉絲更吸收了成煲的精華，入晒昧，正！
炒鮮蝦金邊粉
炒金邊粉賣相好精美，金邊粉被薄薄一層的網狀的蛋包著，上面仲有幾隻彈牙鮮蝦點綴，
金邊粉煙韌，配埋花生碎同醬汁一同食，更香口好味！
芒果煎糯米飯
最後當然唔少得甜品啦，食親泰國野，都必食芒果糯米飯 ，
呢到的芒果糯米飯好特別，是煎過的，糯米飯變身一片片餅狀，外層煎得香，淋上椰汁，
香口又好味，比傳統的多了一份新鮮感，加上芒果超級甜，下次一定會再來encore！
❤❤❤謝謝大家觀看❤❤❤
看更多我生活點滴和分享，可like 同follow我instagram同Facebook page
IG:
FB page:
Contact me:
Email:carolcaroljai@gmail.com
歡迎邀稿❤合作試用❤出席活動
My Blog
Blogsopt:https://caroljai.blogspot.com/
She blog:http://blog.she.com/caroljai26
The Ztyle:http://carolcaroljai.theztyle.com
沒有留言:
發佈留言